Ойын-сауық бағдарламасы

Қазақстанда 15 сәуірде Қозы Көрпеш пен Баян Сұлу ғашықтар күні тойланады. Бұл мереке Валентин күні мерекесінің балама нұсқасы ретінде ұсынылды. Қозы Көрпеш пен Баян Сұлу ғашықтар күні ресми мәртебеге ие болмағанымен, халық арасында бұл күн белсенді түрде атап өтіледі. Жыл сайын жастар қазақ халқының салт-дәстүрлеріне жақын іс-шаралар ұйымдастырады. 15 сәуір күні 8-11 сынып оқушыларына арналған мектепте Баян Сұлу мен Қозы Көрпеш ғашықтар күніне арналған ойын-сауық бағдарламасы өтті.    Балалар мерекенің құрылу тарихымен, осы мерекеге арналған қазақ эпосының кейіпкерлерімен танысты, басқа халықтардың осы күнді тойлау дәстүрлерін біліп, конкурстарға қуана қатысты, театр өнері мен сөз шеберлігін көрсетті.