Дүниежүзілік денсаулық күні

Дүниежүзілік денсаулық күні апталығы аясында Ш.Уәлиханов атындағы №8 КММ-де 6 сынып оқушылары арасында спорттық-сауықтыру іс-шарасы өтті.  Бұл іс-шараның кіріспе бөлімінде денсаулықты күту, зиянды әдеттердің жасөспірім ағзасына тигізетін зияны, салауатты өмір салтының дамып келе жатқан ағзаға тигізетін пайдасы туралы әңгіме өрбіді.  Келесі кезекте құрама командалар арасында волейболдан жарыс өтті.  Ойын жеңімпаздары мақтау қағаздарымен марапатталып, құрдастары мен ұстаздарының қошеметіне бөленді.  Оқушыларға күнделікті режимін, дұрыс тамақтануын қадағалау, таза ауада көбірек серуендеу және жүгіру, күнделікті жаттығулар жасау, сонымен қатар өздерінің және басқалардың денсаулығын бақылау ұсынылды.